აზერბაიჯანის რესპუბლიკაში საქართველოს ელჩმა ყვავილებით შეამკო სამშობლოსათვის თავდადებულთა საფლავები

საქართველოს საგანგებო და სრულუფლებიანმა ელჩმა ზურაბ პატარაძემ აზერბაიჯანში აკრედიტებული დიპლომატიური მისიების ხელმძღვანელებთან და საქართველოს საელჩოს თანამშრომლებთან ერთად პატივი მიაგო 35 წლის წინ სამშობლოს თავისუფლებისათვის დაღუპულთა ხსოვნას.

1990 წლის 20 იანვარს, საბჭოთა შეიარაღებული ძალების მიერ დემონსტრანტების წინააღმდეგ მიმართულ სასტიკ ანგარიშსწორებას მშვიდობიანი მოქალაქეები შეეწირნენ.

მათი ხსოვნის პატივსაცემად, დიპლომატიური მისიების ხელმძღვანელებმა „შეჰიდების ხეივანში“ ყვავილებით შეამკეს სამშობლოსათვის თავდადებულთა საფლავები.

20 იანვარი აზერბაიჯანელი ხალხის უახლეს ისტორიაში შესულია, როგორც ერთ-ერთი ყველაზე ტრაგიკული და ამასთანავე, გმირობის ფურცელი, როგორც სამშობლოს თავისუფლებისა და ტერიტორიული მთლიანობისათვის ბრძოლის დღე.