საქართველოს სახელმწიფო აკადემიური ანსამბლი "ერისიონი” აზერბაიჯანს ეწვია და კონცერტები გამართა ქ. ბაქოში და ქ. განჯაში

16 იანვარს, ანსამბლი "ერისიონი" აზერბაიჯანელი მაყურებლის წინაშე სოლო კონცერტით ქალაქ ბაქოში, ჰეიდარ ალიევის სახელობის სასახლეში წარსდგა. კონცერტს ესწრებოდნენ აზერბაიჯანის ხელისუფლების, კულტურის სფეროსა და საზოგადოების სხვა წარმომადგენლები, ასევე ქვეყანაში აკრედიტებული დიპლომატიური მისიების ხელმძღვანელი პირები.

 

17 იანვარს, აზერბაიჯანის რესპუბლიკაში, ქართული კულტურის დღეების ფარგლებში, ქალაქ განჯის ფილარმონიაში გაიმართა საქართველოს სახელმწიფო აკადემიური ანსამბლის, "ერისიონის" სოლო კონცერტი. ღონისძიება ორგანიზებული იყო საქართველოსა და აზერბაიჯანის კულტურის სამინისტროების, აზერბაიჯანში საქართველოს საელჩოს, ქალაქ განჯაში საქართველოს გენერალური საკონსულოსა და განჯის მერიის მიერ.