Gürcüstanın və Azərbaycan Respublikasının birinci şəxsləri arasında telefon danışığı olub

Gürcüstanın Baş Naziri cənab İrakli Kobaxidze ilə Azərbaycan Respublikası Prezidenti cənab İlham Əliyev arasında telefon danışığı olub.

Cənab İlham Əliyev cənab İrakli Kobaxidzeni Baş Nazir təyin olunması münasibətilə təbrik edib, ona gələcək fəaliyyətində uğurlar arzulayıb.

Cənab İrakli Kobaxidze öz növbəsində cənab İlham Əliyevi prezident seçkilərində qələbəsi münasibətilə təbrik edib. Söhbət zamanı Gürcüstan və Azərbaycan Respublikası arasında ikitərəfli əməkdaşlığın daha da dərinləşdirilməsinə toxunulub.