Gürcüstanın Azərbaycan Respublikasındakı Fövqəladə və Səlahiyyətli Səfiri vəzifəsinə Giorgi Zaqaraşvili təyin edilib

2026-cı ilin  1 oktyabr tarixindən Giorgi Zakaraşvili Gürcüstanın Azərbaycan Respublikasındakı Fövqəladə və Səlahiyyətli səfiri təyin edilib.

Giorgi Zakaraşvili uzun illər Gürcüstanın Xarici İşlər Nazirliyinin Mərkəzi Aparatında və diplomatik nümayəndəliklərdə çalışıb.

Giorgi Zakaraşvilinin  2021-ci ildən bəri Gürcüstanın Ukraynadakı Fövqəladə və Səlahiyyətli səfiri və GUAM-dakı Gürcüstanın Daimi Nümayəndəsi kimi rotasiya müddəti 1 oktyabr 2026-cı ildə başa çatır. 2016-2019-cu illərdə Giorgi Zakaraşvili İsveçrə Konfederasiyasının Rusiya Federasiyasındakı səfirliyində Gürcüstan Maraqları Bölməsinin Fövqəladə və Səlahiyyətli Elçisi, 2012-2016-cı illərdə isə Gürcüstanın Ukraynadakı səfirliyinin və GUAM-dakı Gürcüstanın Daimi Nümayəndəliyinin Fövqəladə və Səlahiyyətli Elçisi vəzifələrində çalışıb.

Müxtəlif dövrlərdə Giorgi Zakaraşvili həmçinin Xarici İşlər Nazirliyinin Siyasi Departamentinin direktoru və Orta Asiya Ölkələri ilə Əlaqələr Departamentinin rəhbəri vəzifələrində çalışıb.

Giorgi Zakaraşviliyə fövqəladə və səlahiyyətli səfir diplomatik rütbəsi verilib.