ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

მიმდინარე წლის 12 იანვარს საქართველოს საელჩომ აზერბაიჯანის რესპუბლიკაში გამართა საახალწლო შეხვედრა - ვახშამი აზერბაიჯანის მილი-მეჯლისის, საგარეო საქმეთა სამინისტროს, კომპანია სოკარი-ს და ინტელიგენციის წარმომადგენლებთან. საღამოზე სიტყვა წარმოთქვეს საქართველოს საგანგებო და სრულუფლებიანმა ელჩმა ბატონმა თეიმურაზ შარაშენიძემ და მილი-მეჯლისის ვიცე-სპიკერმა ბატონმა ვალეხ ალესკეროვმა. შეხვედრაზე დამსწრე საზოგადოებამ ასევე გაიხსენა აზერბაიჯანის რესპუბლიკაში საქართველოს პირველი ელჩი აწ გარდაცვლილი ბატონი გიორგი ჭანტურია და საგანგებოდ აღნიშნეს მისი ღვაწლი ორი ქვეყნის ურთიერთობების საკითხში.

განთავსების თარიღი: 16.01.2018
 

 საქართველოს საელჩო აზერბაიჯანის რესპუბლიკაში ღრმა მწუხარებით იუწყება, რომ 2018 წლის 10 იანვარს გარდაიცვალა საქართველოს პირველი ელჩი აზერბაიჯანის რესპუბლიკაში ბატონი გიორგი ჭანტურია.

თანამედროვე ეპოქაში, საქართველოსა და აზერბაიჯანის მიერ დამოუკიდებლობის მოპოვების დღიდან, ორ მოძმე ქვეყანას შორის დიპლომატიური ურთიერთობების დამყარების შემდეგ, ბატონი გიორგი ჭანტურია, საქართველოს სახელმწიფოს მეთაურის გადაწყვეტილებით,  სათავეში ედგა საქართველოს დიპლომატიურ კორპუსს აზერბაიჯანის რესპუბლიკაში (1994-1997 წლები).

 ბატონ გიორგი ჭანტურიას ბედმა არგუნა იმ ურთულეს პერიოდში მოღვაწეობა, როდესაც ორი მეზობელი ქვეყანა - საქართველო და აზერბაიჯანი დგამდნენ პირველ ნაბიჯებს სახელმწიფოებრივი დამოუკიდებლობის  განმტკიცების გზაზე.

ისტორიული ფაქტია, რომ სწორედ მისი აზერბაიჯანში დიპლომატიურ სარბიელზე მოღვაწეობის პერიოდს ემთხვევა იმ უმსხვილესი საერთაშორისო ენერგეტიკული პროექტის „საუკუნის კონტრაქტის“ ამოქმედება, რომელმაც საძირკველი გაუმყარა ორი მეგობარი ქვეყნის დამოუკიდებლობას. გადაუჭარბებლად შეიძლება ითქვას, რომ ფასდაუდებელია ბატონ გიორგი ჭანტურიას ღვაწლი ამ საქმეში.

აზერბაიჯანში მოღვაწეობის პერიოდში, ბატონ გიორგი ჭანტურიას სამეგობრო წრე არ შემოიფარგლებოდა მხოლოდ სახელმწიფო სტრუქტურების წარმომადგენლებით, ის მეგობრობდა ყველა აზერბაიჯანელთან, ვინც გახლდათ საქართველოს უახლოესი მეგობარი.

თავისი პროფესიონალური და ადამიანური თვისებების გამო, ბატონო გიორგი ჭანტურია სარგებლობდა უდიდესი პატივისცემითა და სიყვარულით ქართულ და აზერბაიჯანულ საზოგადოებებში.

საქართველოს საელჩოს დიპლომატიური კორპუსი აზერბაიჯანის რესპუბლიკაში კიდევ ერთხელ ღრმა მწუხარებას გამოთქვამს ბატონ გიორგი ჭანტურიას გარდაცვალების გამო, უსამძიმრებს ოჯახს, ნათესავებსა და კოლეგებს.

ღმერთმა გაანათლოს ბატონ გიორგი ჭანტურიას სული.

განთავსების თარიღი: 10.01.2018
 

25 დეკემბერს E Media Group-ის მიერ ორგანიზებულ დაჯილდოვებათა ცერემონიაზე, ნომინაციით THE BEST OF AZERBAIJAN დააჯილდოვებულ იქნა ელჩი თეიმურაზ შარაშენიძე. ღონისძიებაში მონაწილეობა მიიღეს და ასევე დაჯილდოვდნენ მილი მეჯლისის დეპუტატი განირა ფაშაევა, თავდაცვის, შინაგან საქმეთა სამინისტროების ხელმძღვანელი პირები, შოუ ბიზნესის, მედიისა და აზერბაიჯანული და უცხოური ხელოვნების მოღვაწეები.  

განთავსების თარიღი: 26.12.2017
 

23 დეკემბერს აზერბაიჯანის რესპუბლიკას ოფიციალური ვიზიტით ეწვია საქართველოს ვიცე-პრემიერი, შინაგან საქმეთა მინისტრი ბატონი გიორგი გახარია. ვიზიტის ფარგლებში, გ. გახარიამ პირველი შეხვედრა გამართა აზერბაიჯანის რესპუბლიკის პრეზიდენტთან ილჰამ ალიევთან. შეხვედრას ასევე ესწრებოდნენ: ელჩი თეიმურაზ შარაშენიძე და აზერბაიჯანის რესპუბლიკის შს მინისტრი რამილ უსუბოვი.

საუბრის დასაწყისში, აზერბაიჯანის პრეზიდენტმა მიულოცა გ. გახარიას ახალ თანამდებობაზე დანიშვნა და უსურვა წარმატებები. თავის მხრივ, გ. გახარიამ მადლობა გადაუხადა აზერბაიჯანის პრეზიდენტს მილოცვისთვის.

ი. ალიევმა და გ. გახარიამ ისაუბრეს ქვეყნებს შორის ორმხრივი ურთიერთობების განვითარების, მათ შორის სამართალდამცავი ორგანოების თანამშრომლობის შესახებ. ასევე აღნიშნეს საქართველო-აზერბაიჯანის ერთობლივი, გლობალური ეკონომიკური პროექტების მნიშვნელობის თაობაზე, მათ შორის „ბაქო-თბილისი-ყარსის“ სარკინიგზო მაგისტრალთან დაკავშირებით. შეხვედრის ფარგლებში, მხარეებმა ისაუბრეს საქართველო-აზერბაიჯანის სამართალდამცავი ორგანოების ერთობლივი თანამშრომლობის პერსპექტივებზე უსაფრთხოების უზრუნველყოფის სფეროში.

იმავე დღეს, საქართველოს შს მინისტრი გ. გახარია შეხვდა აზერბაიჯანის შს მინისტრს რამილ  უსუბოვს. შეხვედრას ასევე ესწრებოდა ელჩი თეიმურაზ შარაშენიძე.

საქართველოს შს მინისტრმა აღნიშნა, რომ ამ ეტაპზე, ჩამოყალიბებულია ძალზედ საქმიანი ურთიერთობები ქვეყნების სამართალდამცავ ორგანოებს შორის  და ორ მეზობელ სახელმწიფოს შორის არსებული მეგობრული ურთიერთობების ფონზე, მნიშვნელოვანი იქნებოდა ურთიერთობების კიდევ უფრო გაღრმავება.

 აზერბაიჯანის შს მინისტრმა მადლობა გადაუხადა ქართულ მხარეს სტუმრობისთვის. რ. უსუბოვმა აღნიშნა, რომ წარმატებით ვითარდება ურთიერთობები აზერბაიჯანსა და საქართველოს შორის,  რაშიც დიდ როლს თამაშობს ორმხრივი, მაღალი დონის ვიზიტები, მათ შორის დღევანდელი ვიზიტიც, რომელსაც ძალზედ დიდ მნიშვნელობას ანიჭებს აზერბაიჯანული მხარე. მანვე დასძინა, რომ აზერბაიჯანული მხარე მიესალმება ორი ქვეყნის სამინისტროებს შორის  არსებული ურთიერთობების გაღრმავებას.

ვიზიტის ფარგლებში ბატონი გიორგი გახარია შეხვდა ყოფილ კოლეგას აზერბაიჯანის  რესპუბლიკის ეკონომიკის მინისტრს შაჰინ მუსტაფაევს.

განთავსების თარიღი: 26.12.2017
 

 

22 დეკემბერს აზერბაიჯანის რესპუბლიკას ოფიციალური ვიზიტით ეწვია საქართველოს ფინანსთა მინისტრი ბატონი მამუკა ბახტაძე. ვიზიტის ფარგლებში, მ. ბახტაძემ პირველი შეხვედრა გამართა აზერბაიჯანის რესპუბლიკის პრეზიდენტთან ილჰამ ალიევთან. შეხვედრას ასევე  ესწრებოდნენ: ელჩი თეიმურაზ შარაშენიძე და აზერბაიჯანის რესპუბლიკის ფინანსთა მინისტრი სამირ შარიფოვი.

საუბრის დასაწყისში, აზერბაიჯანის პრეზიდენტმა ი. ალიევამა მიულოცა მ. ბახტაძეს  თანამდებობაზე დანიშვნა და უსურვა წარმატებები. თავის მხრივ, მ. ბახტაძემ მადლობა გადაუხადა აზერბაიჯანის პრეზიდენტს მილოცვისთვის და გადასცა საქართველოს პრემიერ-მინისტრის ბატონ გიორგი კვირიკაშვილის მილოცვა აზერბაიჯანის რესპუბლიკის პრეზიდენტის დაბადების დღესთან დაკავშირებით.

ი. ალიევმა და მ. ბახტაძემ ისაუბრეს ქვეყნებს შორის ორმხრივი თანამშრომლობის საკითხებსა და სამომავლო პერსპექტივებზე. მხარეებმა ხაზი გაუსვეს რეგიონული ეკონომიკური პროექტების მნიშვნელობას, „სამხრეთ-დასავლეთ“ დერეფნის განვითარებას და აღნიშნულ პროექტებში  ტვირთების მოზიდვის შესაძლებლობას.  ასევე საუბარი შეეხო საქართველოს წარმატებებს ევროკავშირსა და ჩინეთთან თავისუფალი ვაჭრობის შეთანხმებების მიღწევის თვალსაზრისით. შეხვედრაზე ითქვა, რომ ორივე მხარე განსაკუთრებულ მნიშვნელობას ანიჭებს სტრატეგიულ პარტნიორობას, ასევე სატრანსპორტო დერეფნების ეფექტურ და კონკურენტულ განვითარებას და ქვეყნებს შორის არსებული ურთიერთობების კიდევ უფრო გაღრმავებას.

იმავე დღეს, საქართველოს ფინანსთა მინისტრი შეხვდა  აზერბაიჯანის ფინანსთა მინისტრს სამირ შარიფოვს.

საქართველოს ფინანსთა მინისტრმა აღნიშნა, რომ მ.წ. გაიზარდა ორ ქვეყანას შორის სავაჭრო ბრუნვა,  აზერბაიჯანი არის საქართველოს ერთ–ერთი მნიშვნელოვანი სავაჭრო პარტნიორი და არის პირველ ადგილზე პირდაპირი უცხოური ინვესტიციების მაჩვენებლით საქართველოში. მ. ბახტაძემ განაცხადა, რომ საქართველო-აზერბაიჯანს შორის თანამშრომლობისა და პარტნიორობის ხარისხის ზრდა ხელს შეუწყობს ორივე ქვეყნის ეკონომიკურ წარმატებას, როგორც სატრანსპორტო დერეფნების ისე ვაჭრობისა და ტურიზმის განვითარების მიმართულებით.

აზერბაიჯანის ფინანსთა მინისტრმა მადლობა გადაუხადა ქართულ მხარეს სტუმრობისთვის. მან აღნიშნა, რომ წარმატებით ვითარდება ურთიერთობები აზერბაიჯანსა და საქართველოს შორის.  ს. შარიფოვმა ხაზი გაუსვა საერთაშორისო ენერგეტიკული პროექტების მნიშვნელობას ევროპული ქვეყნების უსაფრთხოებისთვის ასევე ისაუბრა „ბაქო-თბილისი-ყარსის“ სარკინიგზო მაგისტრალსა და სატრანსპორტო დერეფნების მნიშვნელობაზე. დასასრულს, ს. შარიფოვმა აღნიშნა, რომ აზერბაიჯანული მხარე მზად არის კიდევ უფრო გააღრმაოს სამინისტროებს შორის არსებული ურთიერთობები.

იმავე დღეს, საქართველოს ფინანსთა მინისტრი მამუკა ბახტაძე შეხვდა აზერბაიჯანის რესპუბლიკის ახლად დანიშნულ გადასახადების მინისტრს მიქაელ ჯაბაროვს. მხარეებმა მიმოიხილეს სავაჭრო–ეკონომიკური ურთიერთობების კიდევ უფრო გაღრმავებისა და იმ პროექტებთან დაკავშირებული საკითხები, რაშიც აქტიურად არის ჩართული ორივე ქვეყანა, აგრეთვე ყურადღება გაამახვილეს ორმხრივი ურთიერთობების განვითარებისა და საქართველო–აზერბაიჯანის სტრატეგიული პარტნიორობის მნიშვნელობაზე. მინისტრებმა  ისაუბრეს იმ ეკონომიკურ პოტენციალზე, რაც გააჩნია ორ მეზობელ ქვეყანას ექსპორტის, იმპორტის, ტურიზმის, ენერგეტიკის, მრეწველობის, ტრანსპორტის, ლოგისტიკისა და გადაზიდვების 

განთავსების თარიღი: 26.12.2017
 

 2017 წლის 13 დეკემბერს, აზერბაიჯანული მხარის ინიციატივით  საქართველოს საგანგებო და სრულუფლებიანმა ელჩმა აზერბაიჯანში ბატონმა თეიმურაზ შარაშენიძემ შეხვედრა გამართა აზერბაიჯანის რესპუბლიკის ფინანსთა მინისტრთან ბატონ სამირ შარიფოვთან. შეხვედრას ასევე  ესწრებოდა აზერბაიჯანის ეროვნული ბანკის პრეზიდენტი ბატონი ელმან რუსტამოვი.

ბ-მა სამირ შარიფოვმა წარმოადგინა აზერბაიჯანის მიერ მისასალმებელი პრეზენტაცია 2021 წელს ქ. ბაქოში მსოფლიო ბანკისა და საერთაშორისო სავალუტო ფონდის ყოველწლიური შეხვედრის ორგანიზების თაობაზე.

განთავსების თარიღი: 15.12.2017
 

 

მ. წ. 12 დეკემბერს აზერბაიჯანის რესპუბლიკის ეროვნული ლიდერის ბატონი ჰეიდარ ალიევის გარდაცვალების დღესთან დაკავშირებით ელჩმა ბატონმა თეიმურაზ შარაშენიძემ და საელჩოს თანამშრომლებმა ბატონი ჰეიდარ ალიევის  საფლავი გვირგვინით შეამკეს.

განთავსების თარიღი: 12.12.2017
 

მ. წ. 11 დეკემბერს, აზერბაიჯანის რესპუბლიკის საგარეო საქმეთა სამინისტროს ორგანიზებით, ქ.ბაქოში აკრედიტებული დიპლომატიური მისიების ხელმძღვანელები გაემგზავრნენ  საზღვრის პირას ტარტარის რეგიონში, სადაც მოინახულეს იძულებით გადაადგილებული პირების  დასახლება. ღონისძიებაში მონაწილეობდა აზერბაიჯანის რესპუბლიკის ვიცე-პრემიერი ბატონი ალი გასანოვი.

განთავსების თარიღი: 12.12.2017
 

  7 დეკემბერს ქ. ბაქოში, კომპანია „Agro Mall“-მა, საქართველოს საელჩოს, საქართველოს სოფლის მეურნეობის სამინისტროსა და საქართველოს დამსაქმებელთა ასოციაციის ხელშეწყობით, გამართა ქართველი მეწარმეების  პროდუქციის სარეალიზაციოდ გამოყოფილი პავილიონის პრეზენტაცია (ცნობისთვის: აზერბაიჯანის პრეზიდენტის ბრძანებულების თანახმად, შეიქმნა კომპანია „Agro Mall“, რომლის ფუნქციებში შედის სასოფლო და საყოფაცხოვრებო პროდუქციის რეალიზაცია ქვეყნის ტერიტორიაზე. აღნიშნულ კომპანიას ქ. ბაქოში გამოეყო ტერიტორია აგრო-მარკეტისთვის, სადაც განთავსებულია საწყობები, მაცივრები, საბითუმო და საცალო პავილიონები, აგრეთვე  საზღვარგარეთის ქვეყნების პავილიონი - სარეალიზაციოდ განთავსდება უცხოური კომპანიების მიერ წარმოებული პროდუქცია. აღნიშნულ ტერიტორიაზე უკვე გაიხსნა მექსიკისა და იაპონიის სავაჭრო პავილიონები). 

განთავსების თარიღი: 08.12.2017
 

5 დეკემბერს ქ. ბაქოში გაიხსნა სატელეკომუნიკაციო და ინფორმაციული ტექნოლოგიების 22-ე საერთაშორისო გამოფენა „Bakutel-2017“. გამოფენაში მონაწილეობდნენ მობილური და კავშირგაბმულობის ოპერატორები, ინტერნეტ პროვაიდერები და მსოფლიოში ცნობილი ბრენდების დისტრიბუტორები, 20 ქვეყნის 190-მდე კომპანია, აგრეთვე გამოფენას ესწრებოდნენ აზერბაიჯანის რესპუბლიკაში აკრედიტირებული დიპლომატიური კორპუსის წარმომადგენლები.

განთავსების თარიღი: 08.12.2017
 



ელჩის ბიოგრაფია

მისასალმებელი სიტყვა

 

კვ ორ სა ოთ ხუ პა შა
  1 2 3 4 5 6
7 8 9 11 12 13
14 15 17 18 19 20
21 22 23 24 25 26 27
28 29 30 31      

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ