საიტზე მიმდინარეობს ტექნიკური სამუშაოები

ილჰამ ალიევი გამოცხადდა აზერბაიჯანის რესპუბლიკის პრეზიდენტად

17 აპრილს გაიმართა აზერბაიჯანის რესპუბლიკის საკონსტიტუციო სასამართლოს პლენუმის სხდომა, რომელზეც დამტკიცდა 2018 წლის 11 აპრილის რიგგარეშე საპრეზიდენტო არჩევნების კენჭისყრის შედეგების ამსახველი ცესკო-ს ოქმი. პლენუმზე სიტყვით გამოსვლისას, საკონსტიტუციო სასამართლოს თავმჯდომარემ ფარხად აბდულაევმა აღნიშნა, რომ საკონსტიტუციო სასამართლოს პლენუმმა, დაინტერესებულ მხარეთა მონაწილეობით და აზერბაიჯანის რესპუბლიკის კონსტიტუციის შესაბამისად, განიხილა და შეამოწმა ცესკო-ს მიერ წარმოდგენილი საბოლოო ოქმი კენჭისყრის შედეგების შესახებ. მისივე განცხადებით, ცესკო-ს ოქმი შედგენილია საარჩევნო კოდექსის შესაბამისად. გუშინვე, საკონსტიტუციო სასამართლოს თავმჯდომარემ გამოაცხადა კენჭისყრის შედეგები, რომელიც დაამტკიცა პლენუმმა. საკონსტიტუციო სასამართლოს თავმჯდომარემ ფარხად აბდულაევმა განაცხადა, რომ კანონმდებლობის შესაბამისად, ილჰამ ალიევი ითვლება აზერბაიჯანის რესპუბლიკის არჩეულ პრეზიდენტად, მან მოაგროვა ამომრჩეველთა ხმების 86,2 %, გადაწყვეტილება საბოლოოა და გასაჩივრებას არ ექვემდებარება.

დღეს,18 აპრილს მილი მეჯლისში გაიმართა აზერბაიჯანის რესპუბლიკის პრეზიდენტის ილჰამ ალიევის ინაუგურაციის ცერემონიალი.

ქვეყნის კონსტიტუციის თანახმად, დღეიდან უფლებამოსილება შეუწყდა აზერბაიჯანის მინისტრთა კაბინეტის სრულ შემადგენლობას.

უხლოეს მომავალში, აზერბაიჯანის რესპუბლიკის პრეზიდენტი წარმოადგენს მთავრობის ახალ კაბინეტს.